اسلام آباد – 03 جنوري (اي پي پي) وزيراعظم شاهد خاقان عباسي چيو آهي ته پاڪستان مسلم ليگ (ن) جي حڪومت بجلي جي لوڊشيڊنگ ختم ڪرڻ جي پنهنجي ذميداري نڀائي آهي ۽ 10 هزار ميگاواٽ سستي بجلي قومي گرڊ ۾ شامل ڪئي آهي، نيٽ ميٽرنگ نظام توانائي جي شعبي ۾ سنگ ميل آهي، هي قدم صاف سٿري توانائي جي فراهمي ۾ مددگار ٿيندو، نيٽ ميٽرنگ سان گهريلو صارفين به فاضل شمسي توانائي مقامي پاور ڊسٽري بيوشن ڪمپنين کي وڪرو ڪري سگهندا ۽ 14 سيڪڙو تائين منافعو حاصل ڪري سگهندا. اهڙن خيالن جو اظهار هن ڪامسيٽس ۾ نئين صارف دوست نيٽ ميٽرنگ فريم ورڪ جي تقريب کي خطاب ڪندي ڪيو.
