اسلام آباد – 30 ڊسمبر (اي پي پي) نجڪاري واري وفاقي وزير دانيال عزيز چيو آهي ته پاڪستان عوامي تحريڪ ۽ ان جون اتحادي سياسي پارٽيون پنهنجا سياسي ۽ ذاتي مقصد حاصل ڪرڻ جي لاءِ ماڊل ٽائون سانحي تي سياست ڪري رهيون آهن، موجوده حڪومت جي خلاف آل پارٽيز ڪانفرنس سان مخالف ڌر کي ڪجهه نه ملندو. پنهنجي هڪ انٽرويو ۾ هن چيو ته مسلم ليگ (ن) جي حڪومت ماڊل ٽائون سانحي تي پي اي ٽي سان مڪمل تعاون ۽ جاچ جي لاءِ ڪميشن قائم ڪئي. پي اي ٽي جي مطالبي تي اسان ماڊل ٽائون رپورٽ کي اوپن ڪيو پر ان ۾ پنجاب حڪومت جي خلاف ڪجهه به ثابت نه ٿي سگهيو.
