اسلام آباد – 13 نومبر (اي پي پي) صدر ممنون حسين ۽ وزيراعظم شاهد خاقان عباسي پاڪستان جي عوام ۽ حڪومت پاران ايران جي صدر ڊاڪٽر حسن روحاني ۽ ايران جي ڀائرن سان تباهي آڻيندڙ زلزلي ۾ قيمتي جانين جي نقصان تي دلي تعزيت جو اظهار ڪيو آهي. پرڏيهي آفيس پاران جاري بيان موجب ٻنهي اڳواڻن ايران ۽ عراق جي سرحدي علائقن ۾ 12 نومبر جي رات ايندڙ زلزلي جي نتيجي ۾ ايراني صوبي ڪرمان شاهه ۾ ٿيندڙ وڏي جاني نقصان تي ڊاڪٽر حسن روحاني کي تعزيتي پيغام موڪليا.
