اسلام آباد – 24 آڪٽوبر (اي پي پي) وزيراعظم شاهد خاقان عباسي چيو آهي ته پاڪستان اڀرندڙ ميري ٽائيم چئلينجن کي منهن ڏيڻ لاءِ پوري طرح آگاهه ۽ سمند ۾ بهتر نظام برقرار رکڻ جي لاءِ پرعزم آهي جڏهن ته هو عالمي ڳڻتي جي سامونڊي مسئلن جي باري ۾ تعاون جي لاءِ سدائين تيار رهيو آهي. هن اها ڳالهه هيڊز آف ايشين ڪوسٽ گارڊ ايجنسيز ميٽنگ جي 13 هين اجلاس جي افتتاحي گڏجاڻي کي خطاب ڪندي چئي. وزيراعظم چيو ته سمنڊن تي عالمي معيشت جي ڀاڙڻ ۾ مسلسل اضافو ٿي رهيو آهي ۽ ميري ٽائيم ۽ وسيلن جو تحفظ ۽ سلامتي ۽ سامونڊي مواصلاتي رابطا تمام گهڻي اهميت اختيار ڪري چڪا آهن.
