آستانه – 09 سيپٽمبر (اي پي پي) پاڪستان ۽ قزاخستان ٻطرفي تعاون کي وڌيڪ وڌائڻ جي لاءِ دفاع، توانائي ۽ مواصلات جي شعبن ۾ گڏيل منصوبن تي اتفاق ڪري ورتو آهي. اهو اتفاق راءِ آستانه ۾ صدر ممنون حسين ۽ قزاخستان جي وزيراعظم باقي جان سگين تائف جي وچ ۾ نويڪلائي ۾ ملاقات دوران ڪيو ويو. صدر ممنون حسين چيو ته ٻنهي ملڪن جي وچ ۾ ٻطرفن لاڳاپن کي ڊگهي مدي واري پارٽنرشپ ۾ تبديل ڪرڻ، ويزا پاليسي ۾ نرمي ۽ ٻطرفو واپار وڌائڻ جي ضرورت آهي. صدر نيوڪليئر سپلائر گروپ جي ميمبرشپ جي معاملي تي اصولي موقف تي قزاخستان جي حڪومت جا ٿورا مڃيا.
