اسلام آباد – 27 سيپٽمبر (اي پي پي) صدر ممنون حسين هدايت ڪئي آهي ته غيرمعمولي مرض جو شڪار مريضن جي علاج لاءِ دوائن جي بروقت ۽ وڏي مقدار ۾ فراهمي کي يقيني بڻائڻ جي لاءِ هر ممڪن قدم کنيا وڃن ته جيئن ملڪ ۾ عوام جي صحت جا مقصد حاصل ڪرڻ ممڪن ٿي سگهن. صدر اها ڳالهه صحت جي وزارت طرفان ڏنل هڪ خصوصي بريفنگ جي موقعي تي چئي جنهن ۾ کيس غير معمولي دوائن جي تياري ۽ قيمتن جي تعين جي باري ۾ تجويز ڪيل وفاقي پاليسي جي تفصيلن کان آگاهه ڪيو ويو.
