اسلام آباد – 04 جون (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاناما ڪيس جي پهرين ڏينهن کان اڄ تائين وزيراعظم ۽ سندس خاندان پنهنجو پاڻ کي احتساب لاءِ پيش ڪري اعليٰ ۽ تاريخي مثال قائم ڪيو آهي، حسين نواز جي جي آءِ ٽي پيشي جي موقعي تي تصوير جو ليڪ ٿيڻ غيرمعمولي هو، تصوير پاڻ گواهه آهي ته حسين نواز انصاف جو منتظر آهي، انصاف جي منتظر وزيراعظم جي پٽ حسين نواز جي تصوير جي غيرقانوني اشاعت ۽ ان جو طريقيڪار هتڪ آميز ۽ افسوسناڪ آهي ۽ جاچ جي قانوني طريقيڪار جي خلاف آهي. پنهنجي هڪ بيان ۾ مملڪتي وزير چيو ته هڪ تسلسل سان غيرمنصفاڻن واقعن مان انتقام جي بوءَ نظر اچي رهي آهي ۽ ملڪ ۾ شڪ جي فضا جنم وٺي رهي آهي.
