اسلام آباد – 30 جون (اي پي پي) وزيراعظم محمد نواز شريف پرامن پاڙيسريت ۽ ڳالهين ذريعي تڪرارن جي حل جي حوالي سان پنهنجون ترجيحون جوڙيندي پرڏيهي وزارت کي هدايت ڪئي آهي ته والاريل ڪشمير ۾ انساني حقن جي سنگين خلاف ورزين ۽ ڪشميرين کي انهن جي خودمختياري جو حق ڏيڻ کان انڪار کي سرگرم انداز ۾ اجاگر ڪيو وڃي، واپار، سيڙپڪاري ۽ سائنسي حصيدار پاڪستان جي پرڏيهي پاليسي جا بنيادي ٿنڀ هجڻ گهرجن. هن ان ڳالهه جو اظهار پرڏيهي وزارت جي دوري دوران ڪيو جنهن جو مقصد پاڪستان جي آسپاس تازين تبديلين ۽ اڀرندڙ عالمي ۽ علائقائي صورتحال جي ڏس ۾ ملڪ جي پرڏيهي پاليسي ترجيحن جو ٺوس جائزو وٺڻ هو.
