اسلام آباد – 03 جون (اي پي پي) ناڻي واري وفاقي وزير سينيٽر اسحاق ڊار چيو آهي ته سدائين وانگر حڪومت ايندڙ سال جي لاءِ پاڪ بحريه سميت ملڪ جي سموري هٿياربند فوج جي گهربل مالي ضرورتن کي يقيني بڻائيندي، هٿياربند فوج ملڪي سرحدن کي محفوظ بڻائڻ ۽ دهشتگردي ۽ شدت پسندي خلاف جنگ ۾ پنهنجا فرض بهادري سان سرانجام ڏئي رهي آهي، حڪومت ۽ پوري قوم هٿياربند فوج سان گڏ بيٺل رهندي. اهي ڳالهيون هن پاڪ بحريه جي سربراهه ايڊمرل محمد ذڪاءُ الله اين آءِ (ايم) سان ڳالهائيندي چيون جنهن ساڻس ملاقات ڪئي.
