اسلام آباد – 05 مئي (اي پي پي) صدر ممنون حسين چيو آهي ته پاڪستان ۽ جاپان ويجها دوست ۽ قابل اعتماد معاشي حصيدار آهن، پاڪستان واپاري، ڪاروباري، توانائي ۽ تعميري صلاحيتن ۾ اضافي جو خواهشمند آهي. اها ڳالهه هن جاپان ۾ پاڪستان جي نامزد سفير ڊاڪٽر اسد مجيد خان سان ڳالهائيندي چئي جنهن ايوان صدر ۾ ساڻس ملاقات ڪئي. صدر ڊاڪٽر اسد مجيد خان کي سفير نامزد ٿيڻ تي مبارڪباد ڏني ۽ اميد ظاهر ڪئي ته هو جاپان کي نيوڪليئر سپلائيرز گروپ (اين سي جي) تي پاڪستان جي موقف جي حمايت جي لاءِ راضي ڪندو ۽ هي ان جو اهم مقصد هجڻ گهرجي.
