اسلام آباد – 12 اپريل (اي پي پي) وفاقي ڪابينا حج پاليسي 2017ع ۽ نون گئس ڪنيڪشنن تي لاڳو پابندي هٽائڻ جي منظوري ڏئي ڇڏي آهي جڏهن ته رهائشي سهولتن جي حوالي سان تفصيلي منصوبو جوڙڻ جي لاءِ ڪابينا جي ذيلي ڪميٽي قائم ڪري ڇڏي آهي. وفاقي ڪابينا جو اجلاس وزيراعظم محمد نواز شريف جي صدارت ۾ وزيراعظم آفيس ۾ ٿيو. وزيراعظم حاجين کي وڌ کان وڌ سهولتون ڏيڻ جي هدايت ڪئي. هن گذريل سال بهتر حج انتظامن تي مذهبي معاملن واري وزارت جي ڪوششن کي ساراهيو. هن حج خرچن جو نئين سر جائزو وٺڻ ۽ نظرثاني ٿيل خرچ ايندڙ ڪابينا جي اجلاس ۾ پيش ڪرڻ جي هدايت پڻ ڪئي. اجلاس ۾ منصوبابندي ۽ ترقي واري وفاقي وزير احسن اقبال هائوسنگ جي شعبي بابت بريفنگ ڏني.
