اسلام آباد – 28 اپريل (اي پي پي) وزيراعظم محمد نواز شريف موجوده لوڊشيڊنگ جي وقت تي ناراضگي جو اظهار ڪندي چيو آهي ته عوام کي رليف فراهم ڪرڻ حڪومت جي ذميداري آهي، لاڳاپيل وزارتن ۽ ادارن اڳواٽ منصوبابندي ڇو نه ڪئي جنهن جي لاءِ ذميداري جو تعين ٿيڻ گهرجي. هن اها ڳالهه وزيراعظم هائوس ۾ توانائي جي باري ۾ ڪابينا ڪميٽي جي هلندڙ مهيني دوران مسلسل چوٿين اجلاس جي صدارت ڪندي چئي. پاڻي ۽ بجلي واري سيڪريٽري اجلاس کي غير فعال آءِ پي پيز ۽ ڪيپٽو پاور پلانٽس جي دستيابي ۽ استعمال جي باري ۾ آگاهه ڪيو. هن نيپرا طرفان اپ فرنٽ ٽيرف بابت معاملن ۽ گرم موسم جي لاءِ لوڊمينجيمنٽ پلان کان به آگاهه ڪيو.
