اسلام آباد – 22 اپريل (اي پي پي) خاتون اول بيگم محموده ممنون حسين سرڪاري ۽ غيرسرڪاري تنظيمن تي زور ڏنو آهي ته اهي زلزلي جهڙن قدرتي سانحن سبب معذور ٿيندڙ ماڻهن جون مشڪلاتون ختم ڪرڻ ۽ انهن لاءِ روزگار جا موقعا ڳولڻ ۾ مدد ڪن. پاڪستان انسٽيٽيوٽ آف ميڊيڪل سائنسز اينڊ نيشنل انسٽيٽيوٽ آف ري هيبيليٽيٽيو (اين آءِ آر ايم) پاران زلزلي سانحي 2005ع جي زخمين جي علاج جي لاءِ قائم ڪيل مفت طبي ڪئمپ جي تقريب کي خطاب ڪندي هن ڪئمپ قائم ڪرڻ کي ساراهيندي چيو ته اهڙن قدمن سان ملڪ جون ڪيتريون ئي ڌيئرون ۽ فرزند فائديمند شهري بڻجي سگهندا.
