اسلام آباد – 11 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان پاناما جو فيصلو سپريم ڪورٽ تي ڇڏي ۽ اليڪشن ڪميشن ۾ فارن فنڊنگ جو جواب ڏي، عمران خان پنهنجي ڪوڙ، نااهلي، انتشاري ۽ فسادي سياست سان پوري قوم جو صبر آزمائي رهيو آهي. هڪ بيان ۾ هن چيو ته پاناما قوم جو نه عمران خان جو سياسي مسئلو آهي، هو پاناما فيصلي جو ٺيڪدار نه بڻجي پر ڪي پي ڪي عوام طرف رخ ڪري.
