اسلام آباد – 26 اپريل (اي پي پي) صدر ممنون حسين گذريل ٽن سالن جي بهترين خدمتن تي وزيراعظم محمد نواز شريف جي سفارش تي پاڪستان هلال احمر جي چيئرمين ڊاڪٽر سعيد الاهي کي چيئرمين جي حيثيت سان وڌيڪ ٽن سالن جي واڌ ڏئي ڇڏي آهي. نيشنل هيلٿ سروسز اينڊ ريگيوليشنز واري وزارت پاران باضابطا نوٽيفڪيشن پڻ جاري ڪيو ويو. هلال احمر پاڪستان پاران جاري پڌرائي موجب پاڪستان هلال احمر جي چيئرمين ڊاڪٽر سعيد الاهي جي خدمتن ۽ قدمن کي نظر ۾ رکندي ايندڙ ٽن سالن لاءِ هلال احمر جو چيئرمين مقرر ڪيو ويو آهي.
