اسلام آباد – 22 مارچ (اي پي پي) وزيراعظم جي قومي تاريخ ۽ ادبي وارثي واري صلاحڪار عرفان صديقي چيو آهي ته ڏکڻ ايشيا ۾ پائيدار امن ۽ ترقي جي لاءِ ڪشمير مسئلي جو حل لازمي آهي. حريت پسند ڪشميري عوام جي مسلسل قربانين ۽ ثابت قدمي سان عالمي برادري ۾ انهن جي آزادي جي تحريڪ جي حمايت ۾ اضافو ٿي رهيو آهي. اهڙن خيالن جو اظهار هن استنبول يونيورسٽي ترڪي جي اردو شعبي سربراهه ڊاڪٽر خليل طوقار سان ڳالهائيندي ڪيو جنهن قومي تاريخ ۽ ادبي ورثي واري ڊويزن ۾ ساڻس ملاقات ڪئي.