اسلام آباد – 07 فيبروري (اي پي پي) وزيراعظم محمد نواز شريف جي صدارت هيٺ وفاقي ڪابينا جو اجلاس اسلام آباد ۾ ٿيو، جنهن ۾ افغان پناهگيرن جي واپسي ۽ چونڊ سڌارن سميت ايجنڊا جا ڪيترائي اهم نقطا غور هيٺ آيا، سرڪاري ذريعن موجب اجلاس ۾ 33 نڪاتي ايجنڊا ۾ احتساب ڪميشن، ورڪنگ بائونڊري تي ڀارتي فائرنگ سان متاثر ماڻهن جي لاءِ قائم ڪابينا ڪميٽي جي رپورٽ، گڙدن، جگر، ڪينسر، بون ميرو ٽرانسپلانٽ سميت مختلف موذي مرضن جو شڪار غريب ۽ ضرورتمند شهرين جي علاج کانسواءِ سڄي ملڪ ۾ 500، 250 ۽ 100 بسترن تي مشتمل اسپتالن جي تعمير ۽ هيلٿ انفرااسٽرڪچر ۽ مينيجمينٽ ڪمپني جي قيام جا معاملا به شامل آهن.
