اسلام آباد – 18 فيبروري (اي پي پي) ناڻي واري وفاقي وزير سينيٽر اسحاق ڊار چيو آهي ته فوجي عدالتن جي ڪم بابت وفاقي ۽ صوبائي حڪومتن پاران موثر ۽ متفقه ردعمل وقت جي ضرورت آهي، فوجي عدالتن جو تسلسل دهشتگردي جي خاتمي واري مهم جي تسلسل کي يقيني بڻائڻ جي لاءِ ضروري آهي، ملڪ ۽ قوم جي سلامتي ۽ تحفظ تي ڪو ٺاهه نه ٿو ڪري سگهجي، ان سلسلي ۾ دهشتگردي جي تازي لهر تي ضابطو آڻڻ جي لاءِ فوري فيصلو اهم آهي. اهڙي ڳالهه ناڻي واري وفاقي وزير پارلياماني اڳواڻن سان دهشتگردي جي ڪيسن کي تيزي سان اڪلائڻ لاءِ فوجي عدالتن جي ڪم ۾ توسيع سان لاڳاپيل معاملن تي ٽيليفون تي ڳالهائيندي چئي.
