گوجرانوالا – 23 جنوري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان کي ائٽمي پروگرام، موٽروي، پهريون صحت پروگرام، ايجوڪيشن ريفارمز ۽ سي پيڪ جهڙا ملڪي تقدير بدلائيندڙ منصوبا نواز شريف ئي ڏنا آهن. هو گوجرانوالا ۾ ورڪرز ڪنوينشن کي خطاب ڪري رهي هئي. مملڪتي وزير جي گوجرانوالا پهچڻ تي مسلم ليگ (ن) جي ڪارڪنن سندس شاندار استقبال ڪيو. مملڪتي وزير مريم اورنگزيب چيو ته مون کي وزيراعظم محمد نواز شريف هتي ان لاءِ موڪليو ڇو ته گوجرانوالا جا ماڻهو وزيراعظم جي دل جي ڌڙڪن آهن، وزيراعظم محمد نواز شريف اهو قائد آهي جيڪو اسان سڀني جي دلين ۾ ڌڙڪي ٿو. هن چيو ته وزيراعظم محمد نواز شريف سڀني ماڻهن جون دعائون کٽيون آهن جڏهن ته عمران خان ساڍا ٽي سال رڳو ڪوڙا الزام هنيا آهن.
