اسلام آباد – 28 جنوري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان رڳو خوابن ۽ خيالن ۾ نواز شريف جو مقابلو ڪري سگهي ٿو، نواز شريف سان مقابلو ڪرڻ جي لاءِ نواز شريف جهڙو اخلاق پيدا ڪرڻ ۽ وزندار بڻجڻو پوندو ۽ نواز شريف سان مقابلي جي لاءِ ٽي ڀيرا وزيراعظم بڻجڻو پوندو. تحريڪ انصاف جي چيئرمين عمران خان جي خطاب جي ردعمل ۾ اطلاعات ۽ نشريات واري مملڪتي وزير مريم اورنگزيب چيو ته نواز شريف سان مقابلي ڪرڻ جي لاءِ عوام جو ووٽ ۽ دعائون وٺڻيون پونديون ۽ پاڪستان سان محبت ۽ عوام جي خدمت ڪرڻي پوندي. هن چيو ته عمران خان صاحب زندگي مقابلي ۽ جدوجهد جو نالو آهي پر ڪوڙ جي مقابلي جو نه آهي.
