اسلام آباد – 27 نومبر (اي پي پي) خاتون اول محموده ممنون حسين چيو آهي ته پرعزم قوم پاڻ کي هم عصر تهذيبن سان مربوط رکي ٿي ۽ مثبت عمل سان سکي ٿي ۽ معاشرن جي بهتري لاءِ ان تي عملدرآمد ڪري ٿي. هو پاڪستان فارن آفيس وومين ايسوسيئيشن جي سالياني چيريٽي بازار کي خطاب ڪري رهي هئي جنهن کي پرڏيهي آفيس منعقد ڪيو هو. هن چيو ته اهڙيون سرگرميون نه رڳو غيررسمي سفارتڪاري کي هٿي ڏين ٿيون پر ان سان مختلف قومن جي وچ ۾ لاڳاپن ۾ گرمجوشي پڻ پيدا ٿئي ٿي.
