اسلام آباد – 17 نومبر (اي پي پي) پاڪستان ۽ ترڪي عالمي برادري تي اسلام فوبيه، مذهبي امتياز ۽ مسلمانن خلاف اڍنگي رويي جي روڪٿام لاءِ زور ڏيندي عالمي فورمن خاص طور تي گڏيل قومن ۽ او آءِ سي جي سطح تي ان ڏس ۾ گڏيل قدم کڻڻ جي عزم جو اظهار ڪيو آهي جڏهن ته ٻنهي طرفن کان ترجيحي طور تي توانائي، انفرااسٽرڪچر، زراعت، هائوسنگ سميت مختلف شعبن ۾ حصيداري کي وڌيڪ فروغ ڏيڻ تي اتفاق ڪيو آهي. ان ڳالهه جو اظهار پاڪ – ترڪ اسٽريٽجڪ لاڳاپن جي ايندڙ رخن جي باري ۾ جاري گڏيل پڌرنامي ۾ ڪيو ويو، گڏيل پڌرنامي موجب ترڪ صدر رجب طيب اردوان صدر ممنون حسين جي دعوت تي 16 ۽ 17 نومبر تي پاڪستان جو سرڪاري دورو ڪيو جڏهن ته هڪ اعليٰ سطح جو وفد به ساڻس گڏ هو.
