اسلام آباد – 25 سيپٽمبر (اي پي پي) قومي اسيمبلي جو اجلاس اڄ سومر شام 5 وڳي قومي اسيمبلي جي اسپيڪر سردار اياز صادق جي سربراهي ۾ شروع ٿيندو، اجلاس ۾ 23 نقاطي ايجنڊا غور هيٺ ايندي، جنهن ۾ بغيرنالن جي ٽرانزيڪشن بل سميت 5 بل پيش ڪيا ويندا. ان کانسواءِ فاٽا بابت پيش ڪيل رپورت تي وڌيڪ بحث ۽ صدارتي خطاب تي بحث پڻ ايجنڊا ۾ شامل آهي. ليگل ايڊوائيزر جي مقرري جو بل پڻ ايجنڊا ۾ شامل آهي ان کانسواءِ هندو ميرج بل پڻ ايجنڊا تي آهي.
