ڀورڀن – پهرين سيپٽمبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته عمران خان سياست نه پاڪستان سان خيانت ڪري رهيو آهي، 3 تاريخ جو ڌرڻو هڻندڙ پرويز مشرف جو احتساب ڇو نه ٿا ڪن. آل پاڪستان اخبار فروش فيڊريشن جي حلف برداري واري تقريب کي خطاب ڪندي اطلاعات واري وزير چيو ته اسان کي وڌيڪ ترقي ۽ امن گهرجي. هن چيو ته 2013ع ۾ جڏهن وزيراعظم نواز شريف کي حڪومت ڏني وئي ته ان وقت پاڪستان ۾ دهشتگردي، بجلي جي کوٽ، تعليم ۽ صحت جهڙا مسئلا درپيش هئا. هن چيو ته اسان جي پاڙيسري ملڪن تيز رفتار ترقي ڪئي جڏهن ته پاڪستان ڌٻڻ ۾ ڦاٿل هو ۽ هيٺ وڃي رهيو هو.
