اسلام آباد – 08 آگسٽ (اي پي پي) اطلاعات ۽ نشريات واري پارلياماني سيڪريٽري محسن شاهنواز رانجها چيو آهي ته پاڪستان ۾ دهشتگردي جا واقعا افسوسناڪ آهن. قومي اسيمبلي ۾ ڪوئيٽا ۾ دهشتگردي جي واقعي تي بحث ۾ حصو وٺندي اطلاعات ۽ نشريات واري پارلياماني سيڪريٽري محسن شاهنواز رانجها چيو ته اسان سدائين ورلڊ آرڊر جي ڳالهه ڪندا آهيون، اسان کي پاڪستان آرڊر جي ڳالهه ڪرڻ گهرجي، پاڪستان جڏهن به ترقي جي رستي تي گامزن ٿئي ٿو اسان جي دشمنن کي اها ڳالهه نه ٿي وڻي.
