اسلام آباد – 11 آگسٽ (اي پي پي) قومي اسيمبلي جي اسپيڪر سردار اياز صادق چيو آهي ته پاڪستان ارجنٽائن سان گڏيل تعاون کي فروغ ڏئي ٻه طرفي معاشي لاڳاپن کي وڌيڪ مستحڪم بڻائڻ لاءِ پرعزم آهي، هن اهڙن خيالن جو اظهار پاڪستان ۾ ارجنٽائن جي سفير ايوان ايوانسيوچ سان ڳالهائيندي ڪيو جنهن پارليامينٽ هائوس ۾ اسپيڪر سان ملاقات ڪئي. پاڪ ارجنٽائن دوستي گروپ جي ڪنوينر غوث بخش خان مهر به ان موقعي تي موجود هو. اسپيڪر ارجنٽائن جي پنهنجي هم منصب کي پاڪستان جي دوري جي دعوت ڏيندي چيو ته ٻنهي ملڪن جي پارليامينٽ جي وچ ۾ رابطن ۾ فروغ ۽ اقتصادي تعاون ۾ اضافو ٻه طرفي لاڳاپن کي وڌيڪ مستحڪم بڻائڻ ۾ اهم ڪردار ادا ڪري سگهن ٿا.
