اسلام آباد – 18 جولاءِ (اي پي پي) سينيٽ ۾ عبدالستار ايڌي جي خدمتن کي خراج عقيدت پيش ڪرڻ جي قرارداد اتفاق راءِ سان منظور ڪئي وئي، سومر ڏينهن سينيٽ جي اجلاس دوران قائدايوان سينيٽر راجا ظفر الحق پنهنجي ۽ ٻين ميمبرن پاران قرارداد ايوان ۾ پيش ڪئي، جنهن ۾ چيو ويو آهي ته سينيٽ آف پاڪستان قومي هيرو ۽ انسانيت جي هيرو عبدالستار ايڌي جي خدمتن کي خراج عقيدت پيش ڪري ٿو. سندس لاڏاڻو نه رڳو پاڪستان پر پوري انسانيت جو نقصان آهي. هن سڄي زندگي انسانيت جي خدمت لاءِ وقف ڪري ڇڏي هئي.
