اسلام آباد – 25 جولاءِ (اي پي پي) وزيراعظم محمد نواز شريف چيو آهي ته اسان ڪابل ۾ ٿيڻ واري دهشتگرد حملي جي افسوسناڪ سانحي تي افغانستان سان گڏ آهيون، پاڪستان دهشتگردي جي خلاف جنگ ۾ افغانستان سان پنهنجو تعاون جاري رکڻ لاءِ پرعزم آهي، وزيراعظم افغان صدر اشرف غني کي ٽيلي فون ڪئي ۽ چيو ته پاڪستان جي حڪومت ۽ عوام 23 جولاءِ تي ڪابل ۾ ٿيل دهشتگرد حملي جي افسوسناڪ سانحي تي افغانستان سان گڏ آهي. وزيراعظم آفيس پاران جاري ڪيل بيان موجب دهشتگردن جي بي رحماڻي ڪارروائي ۽ انساني جانين جي بي رحماڻي قتل جي شديد مذمت ڪندي وزيراعظم ان وحشياڻي حملي ۾ مارجي ويلن جي وارثن سان گهري همدردي جو اظهار ڪيو.
