اسلام آباد – 30 جون (اي پي پي) وزيراعظم محمد نواز شريف چيو آهي ته ڊاڪٽرن طرفان حتمي اجازت ملندي ئي هو تمام جلد عوام جي وچ ۾ موجود هوندو. محبت ۽ خلوص سان ڀريل جذبن ۽ احساسن جي احترام سان ڪارڪنن ۽ عوام کي اپيل ڪريان ٿو ته هو وطن واپسي تي سندس استقبال ۽ اهڙيون ٻيون تقريبون ختم ڪري ڇڏين. ڪارڪنن ۽ عوام جي نالي پنهنجي پيغام ۾ وزيراعظم چيو ته منهنجي ڄاڻ ۾ اها ڳالهه آئي آهي ته منهنجي وطن واپسي جي موقعي تي توهان هڪ وڏي استقبال جي پروگرام جون تياريون ڪري رهيا آهيو، مون کي توهان جي محبت ۽ خلوص جو پوري طرح اندازو آهي، وزيراعظم چيو ته مون پنهنجي آپريشن جي حوالي سان به توهان جي ان محبت ۽ خلوص جو اهڙو مثالي مظاهرو ڏٺو آهي جيڪو منهنجي لاءِ هڪ وڏو اعزاز آهي.
