اسلام آباد – 06 جون (اي پي پي) ايسوسيئيٽيڊ پريس آف پاڪستان (اي پي پي) جي مئنيجنگ ڊائريڪٽر مسعود ملڪ چيو آهي ته پاڪستان مسلم ليگ (ن) جي حڪومت ملڪي مسئلا تمام گهڻي حد تائين حل ڪيا آهن ۽ عوام سان ڪيل واعدن تي عملدرآمد ڪيو آهي. پي ٽي وي جي پروگرام ۾ ڳالهائيندي هن چيو ته حڪومت سنڀالڻ کان اڳ ملڪ کي توانائي، دهشتگردي سميت ڪيترائي مسئلا درپيش هئا جن کي حل ڪرڻ جي لاءِ سنجيده ڪوششون ڪيون ويون، ڊگهي مدي ۽ گهٽ مدي وارا قدم کنيا ويا.
