اسلام آباد – 11 مئي (اي پي پي) وزيراعظم محمد نواز شريف اربع جي صبح تاجڪستان جي ٻن ڏينهن جي سرڪاري دوري تي روانو ٿي ويو. جتي هو بجلي جي منصوبي ڪاسا 1000 شروع ڪرڻ واري تقريب ۾ شرڪت ڪندو. وزيراعظم اهو دورو تاجڪستان جي صدر امام علي رحمانوف جي دعوت تي ڪري رهيو آهي. پاڻي، بجلي ۽ دفاع وارو وفاقي وزير خواجه محمد آصف، وزيراعظم جو پرڏيهي معاملن بابت خصوصي صلاحڪار طارق فاطمي ۽ سينيئر عملدار به وزيراعظم سان گڏ آهن. شرڪت ڪندڙ ملڪن ۽ ٻين ڌرين جي اڳواڻن جي پڻ ڪاسا 1000 شروع ڪرڻ واري تقريب ۾ شرڪت متوقع آهي.
