اسلام آباد – 17 مئي (اي پي پي) صدر ممنون حسين چيو آهي ته نيشنل ڊفينس يونيورسٽي (اين ڊي يو) معياري تعليم جي فراهمي، سويلين ۽ فوجي آفيسرن جي تربيت ۽ دفاعي حڪمت عملي تجويز ڪرڻ ۾ تحسين جوڳو ڪردار ادا ڪري رهي آهي. هن اها ڳالهه اين ڊي يو جي صدر ليفٽيننٽ جنرل نذير احمد بٽ سان ايوان صدر ۾ ڳالهائيندي چئي. جديد تعليم کي حاصل ڪرڻ جي اهميت کي اجاگر ڪندي صدر ممنون حسين سڄي ملڪ ۾ اعليٰ تعليم جي معيار کي وڌيڪ بلند ڪرڻ تي زور ڏنو.
