سکر – 06 مئي (اي پي پي) وزيراعظم محمد نواز شريف چيو آهي ته اسان جي ايجنڊا پاڪستان جي ترقي ۽ خوشحالي آهي جڏهن ته ٻئي طرف دهشتگردن ۽ رستن ۽ چوڪن جي احتجاجي سياست ذريعي پاڪستان جي ترقي جو رستو روڪيندڙن جي ايجنڊا هڪ ئي آهي. هن اهڙن خيالن جو اظهار ڪراچي لاهور موٽروي جي ملتان سکر سيڪشن جي پيڙهه جو پٿر رکڻ کانپوءِ هڪ عوامي ميڙ کي خطاب ڪندي ڪيو جيڪو 294 ارب رپين جي لاڳت سان پاڪ چين اقتصادي لنگهه منصوبي تحت تعمير ڪيو پيو وڃي.
