تاشقند – 24 جون (اي پي پي) صدر ممنون حسين ۽ ازبڪستان جي صدر اسلام ڪريموف ان ڳالهه تي اتفاق ڪيو آهي ته پاڪستان، افغانستان ۽ ازبڪستان جي وچ ۾ ٽه ڌريو واپاري راهداري معاهدو واپار ۽ سيڙپڪاري ۾ اضافي جو باعث بڻجندو جڏهن ته ٻنهي ملڪن جي وچ ۾ گڏيل واپار جو ماپو ٽن سالن ۾ ٽي سئو ملين ڊالر تائين وڌايو ويندو. ٻنهي اڳواڻن جي وچ ۾ هي اتفاق راءِ شنگهائي تعاون تنظيم جي سربراهي اجلاس کان اڳ ٻه طرفي ملاقات ۾ سامهون آيو. ملاقات ۾ ٻنهي صدرن جا وفد به شامل هئا.
