اسلام آباد – 24 – نومبر (اي پي پي) صدر ڊاڪٽر عارف علوي نيشنل پريس ٽرسٽ جي چيئرمين جي عهدي تي مقرري جي منظوري ڏئي ڇڏي آهي. ايوان صدر جي پريس ونگ مان جاري بيان موجب صدر سپريم ڪورٽ جي ايڊووڪيٽ منير احمد خان کي چيئرمين نيشنل پريس ٽرسٽ مقرر ڪيو آهي. صدر نيشنل پريس ٽرسٽ ايڪٽ 1972ع جي سيڪشن 4 تحت مقرري جي منظوري ڏني آهي. صدر ڊاڪٽر عارف علوي اسلام آباد لوڪل گورنمينٽ آرڊيننس 2021ع به جاري ڪري ڇڏيو آهي. آرڊيننس آئين جي آرٽيڪل 89 تحت جاري ڪيو ويو آهي.
