گڏيل قومون – 18 جون (اي پي پي) گڏيل قومن جي اداري ۾ پاڪستان جي مستقل نمائنده ڊاڪٽر مليحه لوڌي چيو آهي ته گڏيل قومن جي امن مشن ۾ مقرري لاءِ پاڪستان آرمي جا اضافي جٿا تيار آهن ۽ انهن جٿن جي فوري مقرري لاءِ انتظامن کي يقيني بڻائڻ گهرجي. هن اها ڳالهه پيس ڪيپنگ جي موضوع تي ليڊر سمٽ جي فالو اپ اجلاس کي خطاب ڪندي چئي. ڊاڪٽر مليحه لوڌي چيو ته پاڪستان آرمي جا اضافي جٿا ۽ ساز سامان پيس ڪيپنگ مشن ۾ مقرري لاءِ تيار آهن. پاڪستاني جٿن جي چونڊ گڏيل قومن جي خصوصي ٽيم ڪيو هو. هن چيو ته پاڪستان گڏيل قومن جي امن مشن لاءِ پنهنجو ڪردار ادا ڪرڻ لاءِ تيار آهي.
