اسلام آباد – 16 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته ايران کانپوءِ سعودي قيادت جو خطي ۾ ڇڪتاڻ جي خاتمي ۽ امن ۽ استحڪام جي فروغ لاءِ وزيراعظم جي مخلصاڻين ڪوششن کي ساراهڻ عمران خان کي اسلامي امت جو رهبر مڃڻ آهي، پاڪستان ڀائر اسلامي ملڪن جي وچ ۾ اخوت جي جذبي ۽ هم آهنگي جي فروغ جو خواهشمند آهي، مسلمان امت جو گڏيل اتحاد ۽ اتفاق خطي ۾ امن ۽ معاشي استحڪام جو ضامن آهي.
