اسلام آباد – 03 آڪٽوبر (اي پي پي) وزيراعظم عمران خان چيو آهي ته ڪرپشن اسان جي نظام کي تباهي جي ڪناري تي پهچائي ڇڏيو آهي، ان ناسور مان ملڪ کي ڇوٽڪارو ڏيارڻ منهنجو مشن آهي، صنعتڪار ملڪي معيشت ۾ اهم ترين ڪردار ادا ڪندا آهن، حڪومت ڪاروبار ۾ آسانيون پيدا ڪندي. اهڙن خيالن جو اظهار هن مشهور صنعتڪارن ۽ ڪاروباري شخصيتن جي وفد سان ڳالهائيندي ڪيو جنهن ساڻس ملاقات ڪئي. وزيراعظم سان ملاقات ڪندڙن وفد ۾ ميان منشا، بشير علي محمد، خليل ستار، خالد محمود، شاهد عبدالله، عارف حبيب، مصدق ذوالقرنين، عثمان خالد وحيد، سڪندر مصطفيٰ، خاور انور خواجه، علي حبيب ۽ جاويد آفريدي شامل هئا.
