اسلام آباد – پهرين آڪٽوبر (اي پي پي) وزيراعظم عمران خان وفاقي وزارتن، ڊويزنن ۽ ماتحت ادارن ۾ خدمتن جي فراهمي ۾ دير تي ڳڻتي جو اظهار ڪندي سمورين وفاقي وزارتن، ڊويزنن، ماتحت ادارن، صوبائي حڪومتن ۽ انهن جي ماتحت ادارن، فيلڊ فارميشنز کي لائيسنس، اين او سي، ڊوميسائيل جي ۽ ٻيون التوا ۾ پيل درخواستون 4 هفتن ۾ اڪلائڻ، عوامي درخواستن تي اڳڀرائي جا تفصيل ويب سائيٽ تي اپ لوڊ ۽ نوٽيس بورڊ تي هڻڻ جي هدايت ڏني آهي. وزيراعظم سيڪريٽريٽ پاران جاري ٿيندڙ هدايت نامي موجب وزيراعظم عمران خان مختلف وزارتن، ماتحت ادارن ۾ خدمتن جي لاءِ ملندڙ درخواستن جي غيرضروري التوا، نظرانداز ڪرڻ ۽ انهن درخواستن تي وقت سر ضروري ڪارروائي نه ڪرڻ جو نوٽيس وٺي ورتو آهي.
