نيويارڪ – 26 سيپٽمبر (اي پي پي) وزيراعظم عمران خان چيو آهي ته وزارت عظميٰ جو عهدو سنڀالڻ کانپوءِ معاشري جي ڪمزور طبقن ۾ غربت ۾ گهٽتائي ۽ کين صحت ۽ تعليم جي سهولتن جي فراهمي سندس اولين ترجيحن ۾ شامل رهي آهي، احساس پروگرام تي موثر انداز ۾ عملدرآمد ڪري پائيدار ترقي بابت گڏيل قومن جا ملينيم هدف حاصل ڪري سگهجن ٿا. هن اها ڳالهه نيويارڪ ۾ بل اينڊ ميلنڊا گيٽس فائونڊيشن جي شريڪ چيئرمين بل گيٽس سان ملاقات ۾ ڳالهائيندي چئي، ان موقعي تي غربت گهٽايو جي حوالي سان احساس پروگرام کي اڳتي وڌائڻ لاءِ بل اينڊ ميلنڊا گيٽس فائونڊيشن ۽ حڪومت پاڪستان جي وچ ۾ مفاهمت جي دستاويزن تي صحيحون به ٿيون.
