نيويارڪ – 26 سيپٽمبر (اي پي پي) وزيراعظم عمران خان چيو آهي ته پاڪستان پنهنجي عوام کي غربت مان ڪڍڻ ۽ پرامن پاڙيسري جو خواهشمند آهي تنهن هوندي به آر ايس ايس جي حمايت يافته مودي حڪومت نسلي بالادستي تي ٻڌل ايجنڊا تي عمل پيرا آهي، والاريل ڪشمير ۾ رتوڇاڻ جو خطرو آهي ۽ دنيا کي ان کان بچڻ لاءِ فعال ڪردار ادا ڪرڻو پوندو، دنيا کي والاريل ڪشمير ۾ ڀارت جي غير قانوني ڏاڍ، هڪطرفي قدمن ۽ اتي ٿيندڙ انساني حقن جي خلاف ورزين جي باري ۾ آگاهه ڪرڻ آيو آهيان، پاڪستان افغانستان ۾ امن چاهي ٿو ۽ امن عمل جي مڪمل حمايت ڪري ٿو. اهڙن خيالن جو اظهار هن ”وال اسٽريٽ جنرل“ جي ايڊيٽوريل بورڊ سان ڳالهائيندي ڪيو.
