نيويارڪ – 23 سيپٽمبر (اي پي پي) وزيراعظم عمران خان چيو آهي ته موسمياتي تبديلين کي ڪو به اڪيلو ملڪ منهن نه ٿو ڏئي سگهي، پوري دنيا کي ان جي لاءِ گڏجي ڪم ڪرڻو پوندو، اهو ئي سلسلو جاري رهيو ته قدرتي آفتن سان بي گهر ماڻهن ۾ اضافو ٿيندو، اپيل ڪريان ٿو ته وڏا ملڪ موسمياتي تبديلين جي مسئلي کي سنجيدگي سان وٺن، جيڪڏهن انسان ڪنهن به چئلينج تي ضابطو آڻڻ جو مضبوط پڪوپهه ڪري ڇڏي ته ان کي ڪاميابي ملي ٿي. اهڙن خيالن جو اظهار هن گڏيل قومن جي جنرل اسيمبلي جي 74 هين اجلاس جي موقعي تي موسمياتي تبديلين بابت سربراهه اجلاس کي خطاب ڪندي ڪيو.
