نيويارڪ – 23 سيپٽمبر (اي پي پي) پرڏيهي وزير شاهه محمود قريشي انساني حقن جي عالمي تنظيمن تي زور ڏنو آهي ته هو والاريل ڪشمير ۾ گهيراءُ ۾ قيد ماڻهن تائين پهچڻ لاءِ رسائي حاصل ڪن ۽ اتي جي صورتحال جو جائزو وٺي پنهنجي رپورٽ عالمي برادري ۽ گڏيل قومن کي پيش ڪن. جيڪڏهن ڀارتي حڪومت رسائي نه ڏئي رهي آهي ته پنهنجي مشڪلاتن ۽ خدشن جي باري ۾ عالمي برادري کي آگاهه ڪن. اهڙن خيالن جو اظهار هن وزيراعظم عمران خان سان ايمنسٽي انٽرنيشنل، ريڊ ڪراس ۽ ٻين وفدن جي ملاقاتن کانپوءِ پريس ڪانفرنس کي خطاب ڪندي ڪيو.
