اسلام آباد – 20 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته ڀارت جي ظلم، بربريت ۽ 47 ڏينهن جي مسلسل ڪرفيو کانپوءِ والاريل ڪشمير دنيا جي سڀ کان وڏي جيل جو منظر پيش ڪري رهيو آهي، وزيراعظم عمران خان ڪشمير جي مائرن، ڀينرن، ڌيئرن، بزرگن ۽ ٻارن جو ڪيس وڙهڻ جي لاءِ انساني حقن جو علمبردارن ۽ عالمي برادري جي ضمير جي جاڳائڻ لاءِ هر عالمي فورم تي وڃي رهيو آهي، وزيراعظم عمران خان گڏيل قومن جي جنرل ڪائونسل ۾ معصوم ۽ مظلوم ڪشميرين جو وڪيل ۽ سفير بڻجي پنهنجو چٽو موقف دنيا جي سامهون رکندو، والاريل ڪشمير ۾ ظلم، ڏاڍ ۽ رياستي دهشتگردي جو دور ختم ۽ آزادي جو سج اڀرڻ وارو آهي. هو ڪنوينشن سينٽر ۾ يڪجهتي ڪشمير يوٿ ڪنوينشن کي خطاب ڪري رهي هئي.
