اسلام آباد – 09 جون (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ مخالف ڌر اڳواڻ شهباز شريف تي تنقيد ڪندي مطالبو ڪيو آهي ته هو قوم جي آڏو جرئت ۽ اخلاقيات جو مظاهرو ڪري ۽ پنهنجي خلاف مبينا ڪيسن کي منهن ڏي، مخالف ڌر کي پارليامينٽ ۾ ذميواري جو مظاهرو ڪرڻ جي ضرورت آهي. هڪ نجي ٽي وي چينل سان ڳالهائيندي هن چيو ته مخاف ڌر کي پارليامينٽ ۾ ذميواري جو مظاهرو ڪرڻ جي ضرورت آهي ڇو ته پارليامينٽ ئي قوم جي مسئلن جي خاتمي لاءِ مناسب جڳهه آهي.
