اسلام آباد – پهرين جون (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته قومي ناڻو بي رحمي سان ڦريندڙ پيٽروليم مصنوعات جي قيمتن تي واڳون وارا ڳوڙها ڳاڙي رهيا آهن، ڪرپشن اليون جا رانديگر عوامي جذبن سان کيڏي پنهنجا گناهه بخشرائڻ چاهين ٿا. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ مخالف ڌر اڳواڻن جي بيانن تي ردعمل ڏيندي چيو ته ملڪ ۽ قوم جو تيل ڪڍندڙ ڪرپٽ ليگ حقيقتون ڄاڻيندي به سياست ڪري رهي آهي.
