اسلام آباد – 30 آڪٽوبر (اي پي پي) وزيراعظم عمران خان چيو آهي ته حڪومت معاشري جي بي سهارا، لاچار ۽ خاص طور تي رستن ۽ فوٽ پاٿن تي رات گذارڻ تي مجبور غريب ترين طبقي کي پناهه گاهه مهيا ڪرڻ جي منصوبي تي ڪم ڪري رهي آهي. ان سلسلي ۾ پهريون منصوبو لاهور ۾ سرڪاري زمين تي مسافرن جي لاءِ 5 شيلٽر بڻائڻ جو آهي، صاحب حيثيت ماڻهن طرفان ان قسم جي منصوبي جو آغاز ڪراچي ۾ به ڪري سگهجي ٿو، هن اها ڳالهه ورلڊ ميمڻ آرگنائيزيشن جي وفد سان ملاقات ۾ چئي.
