اسلام آباد – 30 آڪٽوبر (اي پي پي) ناڻي واري وزير اسد عمر چيو آهي ته حڪومت روانگي واپار جي فروغ ۽ پرڏيهي خساري تي ضابطو آڻي ملڪي معيشت کي پنهنجي پيرن تي بيهارڻ چاهي ٿي، گذريل 10 ڏينهن ۾ پاڪستان اسٽاڪ ايڪسچينج ۾ 5 هزار پوائنٽس جو اضافو ٿيو آهي، اسان ڪشتو ٽوڙي غير ملڪي قرضن تي ڀاڙڻ کي گهٽ ڪرڻ چاهيون ٿا، اميد آهي ته مخالف ڌر معاشي مسئلن جي حل لاءِ سنجيده ۽ ٺوس تجويزون پيش ڪندي، قومي اسيمبلي ۾ پاڪستان جي موجوده اقتصادي صورتحال تي رٿ تي بحث دوران خيالن جو اظهار ڪندي ناڻي واري وزير اسد عمر چيو ته پاڪستان مسلم ليگ (ن) جي ميمبرن کي خبر آهي ته هو معيشت کي ڪهڙي حال ۾ ڇڏي ويا.
