اسلام آباد – 05 آڪٽوبر (اي پي پي) اطلاعات ۽ نشريات جي وفاقي وزير چوڌري فواد حسين چيو آهي ته ڪرپشن تي ڪريڪ ڊائون پرڏيهي سيڙپڪار تي ڌيان ۽ ڪاروبار ۾ سهولت اسان جي معاشي پاليسين جا ٽي اهم جز آهن، حڪومت هڪ مهيني ۾ جنهن تيز رفتاري سان ڪم ڪيو آهي ان جو مٿال 70 سالن ۾ نٿوملي، ڪيتري معلومات پهرين کان موجود هئي پر ان جو نوٽيس گذريل دور ۾ نه ورتو ويو، احتساب کانسواءِ ملڪ اڳيان نٿو وڌي سگهي ، هو پي آءِ ڊي ۾ وزيراعظم جي خصوصي معاون شهزاد اڪبر سان پريس ڪانفرنس ڪري رهيو هو، اطلاعات واري وزير چيو ته لنڊن ۽ دبئي ۾ پاڪستانين جون 10 هزار کان وڌيڪ جائيدادون آهن، دبئي ۾ ٽن هائوسنگ سوسائيٽين جا مڪمل تفصيل اچي چڪا اهن 10 هزار مان 895 جائيدادن جي فهرست جدا ڪئي وئي آهي.
