اسلام آباد – 27 جولاءِ (اي پي پي) پاڪستان تحريڪ انصاف جي ترجمان فواد چوڌري چيو آهي ته مرڪز سميت پنجاب صوبي ۽ خيبرپختونخوا ۾ اسان آزاداڻي طور تي حڪومت بڻائينداسين، جڏهن ته بلوچستان ۾ اسان اتحادي حڪومت بڻائينداسين جنهن جي لاءِ سياسي پارٽين سان رابطا شروع ٿي چڪا آهن، هڪ نجي ٽي وي چينل سان ڳالهائيندي هن چيو ته پي ٽي آءِ وٽ قومي اسيمبلي ۾ 126 سيٽون ٿي چڪيون آهن جنهن ۾ عورتون ۽ ٻيا آزاد اميدوار شامل ڪريون ته مجموعي طور تي 200 کان وڌيڪ بڻجي وينديون ان لاءِ مرڪز ۾ حڪومت بڻائن جي لاءِ اسان کي ڪنهن پارٽي سان اتحاد جي ضرورت نه آهي.
